ស្រុកក្រឡាញ់
អំពីស្រុកក្រឡាញ់
ក្រឡាញ់គឺជាស្រុកតូចមួយនៅទិសខាងលិចនៃខេត្តសៀមរាបមានព្រំប្រទល់ជាប់នឹងខេត្ត បន្ទាយមានជ័យ។ តម្បាញ និងសិប្បកម្មជាផ្នែកសំខាន់របស់សេដ្ឋកិច្ចនៅទីនេះ ហើយមានក្រុមអ្នកតម្បាញជាច្រើនដែលមានជំនាញលើការត្បាញអំបោះ និងសូត្រ មានក្រមាអំបោះដែលមានម៉ូតស្អាត និងមានគុណភាពខ្ពស់នៅទីនេះ។ ភ្ញៀវ ដែលចង់រៀនសូត្រ ឬចាប់អារម្មណ៍ពីផលិតផលទាំងនេះអាចធ្វើដំណើរដើម្បីទិញផលិតផលពីប្រភពដើមផ្ទាល់។ ក្រៅពីតម្បាញ ស្រុកក្រឡាញ់ជាតំបន់ដែលល្បីខាងនំខ្ញីឆ្ងាញ់ និងមានការកែច្នៃនំខ្មែរផ្សេងៗ។ ក្រៅពីនេះសេដ្ឋកិច្ចមួយភាគធំពឹងផ្អែកលើកសិកម្ម ពិសេសគឺស្រូវ ជ្រូក មាន់ និងបន្លែ បានផលិតនៅទីនេះសម្រាប់ទាំងលក់ក្នុងខេត្តសៀមរាប ឬប្រទេសជិតខាងផងដែរ។
ចំនួនប្រជាជន៖: 70,523
ឃុំ៖: 10
ភូមិ៖ 97
ផ្ទៃដី៖ 512 គីឡូម៉ែតការ៉េ
ដង់ស៊ីតេប្រជាជន៖ 137/គីឡូម៉ែតការ៉េ
ទីរួមស្រុក៖ កំពង់ថ្កូវ