ស្រុកប្រាសាទបាគង

កសិដ្ឋានចិញ្ចឹមក្រពើរដ៏ធំនេះ នៅភូមិរលួសស្វាគមន៍ ភ្ញៀវ មកទស្សនាការចិញ្ចឹមក្រពើចាប់ពីកូនទើបញាស់ដល់ពេញវ័យ ព្រមទាំងដំណើរនៃការផលិត ផលិតផលផ្សេងៗពីក្រពើ។ ទន្ទឹមនឹងការឃើញដំណើរការទាំងនេះ ភ្ញៀវអាចទិញ វត្ថុអនុស្សារីយ៍ពីក្រពើរផងដែរ ។​

ភ្ញៀវអាចចំណាយពេលប្រមាណជា ៣០នាទី​ទៅ១ម៉ោង ដើម្បីទស្សនាពីការរស់នៅរបស់អ្នកភូមិ ក៍ដូចជាទេសភាពស្រុកស្រែមុននឹងទៅដល់កំពង់ភ្លុក។ ដំណើរកំសាន្តនេះងាចចាប់ផ្តើមពីវត្តរកា​រហូតដល់កន្លែងលក់សំបុត្រកំពង់ភ្លុក។

ជាផ្សារមួយក្នុងចំណោមផ្សារក្នុងតំបន់ជាច្រើនទៀត ដែលមានលក្ខណៈប្រពៃណីជាង​​គេ​​បង្អស់នៅ​ក្នុ​ង​តំបន់សៀមរាប ផ្សាររលួសគឺជាមជ្ឈមណ្ឌលសម្រាប់ទីប្រជុំជនដ៏តូចមួយនៅក្នុង​ស្រុក​ប្រាសាទបាគង។ វាមាន​ពណ៌​ចម្រុះបំផុត​នៅពេលព្រឹកពេលដែលអ្នកស្រុកជាច្រើនមកទីនេះដើម្បី​ទិញផ្លែឈើនិងបន្លែស្រស់ៗ។ ការធ្វើដំណើរ​ទៅកាន់ផ្នែកខាងក្រោយនៃផ្សារនេះពោលគឺនៅខាងក្រោយដង​ទន្លេដែលផ្លូវ​នានា​ត្រូវបានរៀបជាជួរជាមួយផលិត ផលស្រស់ៗ រួមមាន​​​ត្រីមកពីទន្លេរលួស និងបឹងទន្លេសាប។ វាគឺ​ជាបទពិសោធន៍ដ៏ល្អមួយសម្រាប់អ្នកថតរូបដរាបណាអ្នកចាំសុំការ​អនុញ្ញាត​​​ដើម្បីថតរូបអ្នកលក់​ផ្សេងៗគ្នា។

ក្លឹប Booyong Country​ សៀមរាប គឺជា​ទីលានវាយ​កូន​ហ្គោល​លំដាប់ពិភពលោកមួយនៅក្នុងខេត្តសៀមរាប ប្រទេសកម្ពុជា រចនាឡើងដោយ កេនតារ៉ូ សាតុ មាន១៨រន្ធ វគ្គសិក្សា៧២ម៉ោង​ត្រូវបានបង្កើតឡើងដើម្បីបញ្ចូល​ធម្មជាតិ​ និងរន្ធ​ជាទម្រង់សិល្បះ​មួយ។ ក្លឹប​ Booyong Country សៀមរាបគឺជា​វគ្គបណ្តុះបណ្តាលជើងឯកដ៏ល្អប្រសើរមួយដែល​បាន​រៀបចំ​នៅ​​ទីជនបទ​ដ៏ស្រស់ស្អាត មានចម្ងាយ១២ គីឡូម៉ែត្រពីមជ្ឈមណ្ឌលក្រុងសៀមរាប។ ក្លឹប Booyong Country សៀមរាបផ្តល់ជូននូវ​បទពិសោធន៍របៀបរស់នៅថ្មីបំផុត។ វាគឺសម្រាប់អ្នកដែល​ប្រាថ្នាចង់​ទៅ​​ទីលានវាយកូនហ្គោលល្អបំផុត ដែលមាន១៨រន្ធ កន្លែងបើកបរ និងសណ្ឋាគារលំដាប់ផ្កាយ៤មួយ ដើម្បីរីករាយនឹងរបៀបរស់នៅ​ប្រកបដោយ​សុខភាពល្អជាមួយនឹង​ទេសភាព​ដ៏ស្រស់ស្អាត។

បឹងត្រាវកុដ្ឋិ និងសួនស៊ីធីត្រាវកុដ្ឋិ ៖ នៅភាគខាងជើងនៃស្រុកប្រាសាទបាគង ភូមិក្រពើ ឃុំបល្ល័ង្គ ចម្ងាយ 25 គីឡូម៉ែត្រពីខេត្តសៀមរាប។ បឹងនេះជាអាងស្តុកទឹកដ៏ធំ ហើយស្រស់ស្អាតមួយ ដែលមានខ្ចុះសម្រាប់ពិកនិកដ៏ពេញនិយមចំពោះភ្ញៀវទេសចរ ពីខេត្តសៀមរាបនិងក្រៅខេត្ត។ ភ្ញៀវទេសចរជាតិភាគច្រើនចូលចិត្តមកទីនេះនៅចុងសប្ដាហ៍ និងថ្ងៃឈប់សម្រាក ដើម្បីលំហែរកាយ និងពិសារអាហារដែលប្រើប្រាស់ផលិតផលក្នុងស្រុក ពិសេសមាន់អាំងស្រុកឆ្ងាញ់ពិសារ ថែមទាំងអាច ហែលទឹកលេងនៅទីនេះ និងជិះទូកកំសាន្ត។ នៅទីនេះមានកន្លែងពិកនិកជាច្រើននៅជុំវិញបឹង រួមទាំងសួនស៊ីធីត្រាវកុដ្ឋិ ដែលមានទាំងខ្ខុះសម្រាកលំហែរកាយ និងសួនផ្កាចម្រុះដ៏ស្រស់ស្អាតអមជាមួយនឹងឆ្នេរខ្សាច់សិប្បនិមិត្តក្បែរមាត់បឹងទៀតផង ។ លើសពីនេះសួនស៊ីធីត្រាវកុដ្ឋិ មាន​កន្លែង​សម្រាប់​បោះតង់ សម្រាប់អ្នកដែលចង់ស្នាក់នៅពេលយប់មើលផ្កាយនាពេលរាត្រីជាមួយនឹងជំនោរត្រជាក់ល្ហឹម។

ក្រមា យូ យូ​  ជាសិប្បកម្មតម្បាញ ក្រមា  និង សូត្រដោយ​ដៃយ៉ាងសំរឹតសំរាំង​ ដោយអ្នកតម្បាញប្រចាំតំបន់មានទាំងជំនាញ និងបទពិសោធន៍​។ នៅទីនេះមាន ផលិតម៉ូដបែប​ប្រពៃណីបុរាណ និងទំនើប ជ្រលក់ទាំងពណ៌ធម្មជាតិ និងពណ៌ភ្លឺចម្រុះ និងខ្មែរ Ikat។ ភ្ញៀវអាចកុម្ម៉ង់ម៉ូតពិសេសដែលលោកអ្នក ចង់បាន រួមទាំង IKat។ ការយកចិត្តទុកដាក់ត្បាញផលិតផលទាំងនោះដោយប្រើប្រាស់ពេលវេលាគ្រប់គ្រាន់   ចាំបាច់បំផុតដើម្បីធានាគុណភាពខ្ពស់ដល់អ្នកប្រើប្រាស់ ។ ក្រមា យូ យូ​ មានគោលបំណងថែរក្សាវប្បធម៌ដ៏ស្រស់ស្អាតរបស់កម្ពុជាឲ្យ នៅតែបន្តជារៀងរហូត!

ឡ យូ យូ គឺជាមជ្ឈមណ្ឌលកុលលាភាជន៍ (ស្មូន)​ ក្នុងស្រុកមួយដែល បន្តស្នាដៃសិល្បៈបុរាណដែលមានតាំងពី សម័យ​អាណាចក្រខ្មែរ ធ្វើដោយជើងបង្វិល និងដុតក្នុងឡ ដើម្បីបង្កើតសម្ភារៈប្រើប្រាស់ និងលម្អផ្សេងបែបសិល្បៈយ៉ាងប្រណិត សម្រាប់ភ្ញៀវទេស​ចរ/អ្នកប្រើប្រាស់ ភោជនីយដ្ឋាន សណ្ឋាគារ​ ។ល។ ។ ផលិតផលទាំងនេះត្រូវបានផលិតឡើងពីដីឥដ្ឋ ហើយធ្វើ ដោយដៃ ដោយធ្វើតាមលំនាំ កុលាលភាជន៍ សម័យអង្គរ និងរចនាម៉ូតថ្មីៗ។ទីនេះក៏មានការ​បង្រៀន​ ធ្វើកុលាលភាជន៍ សម្រាប់អ្នកដែលចង់មានបទពិសោធន៍ និង​ ធ្វើវត្ថុអនុវស្សារីយ៍

ដោយផ្ទាល់ដៃជាមួយនឹងម៉ូតដែលចង់បានផ្ទាល់ខ្លូន ។ ឡ យូ យូ​ មានទទួល  កុម្ម៉ង់ធំៗ សម្រាប់ការតុបតែងសណ្ឋាគារ ភោជនីយដ្ឋាន និងកន្លែងស្ប៉ាដែលមានការរចនាប្លែកៗ។

ចំណែកឯក្រុមអ្នកតម្បាញសូត្រខ្មែរនៅ ទល់មុខប្រាសាទព្រះគោនេះដែរក៏មានត្បាញសូត្រ និងកប្បាស​ដោយមានអ្នកដឹកនាំ ពីខេត្តតាកែវដែលជាខេត្តដ៏ល្បីល្បាញជាងគេខាងផ្នែកតម្បាញ។ គាត់បាន ផ្ទេរជំនាញ​របស់គាត់ដល់ ប្រជាពលរដ្ឋរស់នៅនៅប្រាសាទបាគង ដោយផ្តល់ទាំងឳកាសរកចំណូលតាមរយៈតម្បាញនេះទាំងនៅ មជ្ឈ​មណ្ឌលនេះនិងតាមផ្ទះរបស់ពួកគេ។ ទាំងផលិតផលសូត្រ និងអំបោះជាវត្ថុអនុស្សាវរីយ៍ដែលសាកសម និង ងាយស្រួលយកតាមខ្លួនបំផុតហើយមានម៉ូតទាន់សម័យទៀតផង។

បន្តដំណើរទៅទស្សនាប្រាសាទបាគងភ្ញៀវអាចឈប់សម្រាកនៅ Khmer Heritage Leather Carving  ដើម្បីទស្សនាផ្ទះម៉ូតខ្មែរដែលបានសាងសង់ឡើងយ៉ាងផ្ជិតផ្ចង់ ព្រមទាំងមើលការដាប់ស្បែកផ្ទាំងធំ​ដោយយុវជនដែលរៀនចប់ពី Little Angels ។ នៅទីនេះ ភ្ញៀវអាចមើលពីការសម្តែងល្ខោនស្បែកធំផងដែរ រួមទាំងទទួលរៀបចំកម្មវិធីផ្សេងៗតាមត្រូវការ។

នៅតាមផ្លូវឆ្ពោះទៅកាន់ប្រាសាទបាគង ទល់មុខប្រាសាទព្រះគោមានចម្លាក់ស្បែកជាច្រើន ក្នុងនោះចម្លាក់ស្បែក Little Angels ជាមជ្ឈមណ្ឌលមួយជួយចិញ្ចឹម និងបណ្តុះបណ្តាលក្មេងកំព្រា និង កុមារ ដែលក្សត់ខ្សោយ ឲ្យទទួលបានការអរប់រំ និងរៀនឆ្លាក់ស្បែកបុរាណខ្មែរ។ នៅទីនេះក៏មានផលិតផលផ្សេងៗដែលផលិតពីស្បែកឆ្លាក់ដោយដៃដែលអ្នកអាចទិញសម្រាប់ធ្វើជាវត្ថុអនុស្សាវរីយ៍។

មជ្ឈមណ្ឌលចម្លាក់​ថ្ម និងឈើផ្តល់នូវវគ្គបណ្តុះបណ្តាល និងឱកាសការងារដល់ប្រជាជនក្រីក្រ។ នៅទីនេះភ្ញៀវអាចចូលទស្សនាការឆ្លាក់ និងដាប់ថ្មបែបប្រពៃណីខ្មែរនាសម័យ​អង្គរ រួមទាំងលំនាំក្បូរក្បាច់នាសម័យនោះ ដោយមានក្រុមការងារដ៏មានទេពកោសល្យ ។ ភ្ញៀវអាចទិញផលិតផលទាំងនោះ ឬកុម្ម៉ង់ម៉ូតពិសេស ដែលលោក អ្នកចង់បាន និងមានទទួលរៀបចំដឹកជញ្ជូនទៅប្រទេសរបស់លោកអ្នក។

ព្រលឹងខ្មែរ ជាមជ្ឍមណ្ឌល  សិប្បកម្មតម្បាញកប្បាស និង ស្មូន និងមានផ្តល់វគ្គបណ្តុះបណ្តាលដល់យុវតីខ្មែរ ដើម្បីទទួលបានឱកាសរកចំនូល ពិសេសបន្តស្តារសិល្បៈតម្បាញកប្បាស និងជ្រលក់ពណ៌ធម្មជាតិរបស់ខ្មែរសម័យបុរាណរស់រានឡើងវិញ។ ផ្តល់វគ្គបណ្តុះបណ្តាល លើសពីនេះព្រលឹងខ្មែរ ក៏ផលិតសេរ៉ាមិចតាមរចនាបថសម័យមុនអង្គរ ចេនឡា និងហ្វូណន ទាំងការរចនាម៉ូត និងសំរិតសំរាំងយកចិត្តទុកដាក់ពេលផលិតធ្វើឲ្យឱ្យយើងនឹកទៅដល់លក្ខណៈពិសេសរបស់សេរ៉ាមិចខ្មែរនាសម័យបុរាណ។ សូមស្វាគមន៍ភ្ញៀវទេសចរមកទស្សនាទាំងការផលិត រចនាម៉ូត ទាំងការស្មូន និងតម្បាញ ក៏ដូចជាមានជម្រើសផ្សេងៗសម្រាប់ជាវត្ថុអនុស្សារីយ៍។

ភ្ញៀវអាចស្វែង​យល់អំពីជីវភាពរស់នៅរបស់អ្នកស្រុកតាមរយៈការស្នាក់នៅនឹងផ្ទះស្នាក់ និងដើរកម្សាន្តតាមភូមិនៅក្នុងស្រុកប្រាសាទបាគងនេះ   ។ ស្រុកប្រាសាទបាគងនេះ មានដាំបន្លែស្លឹក និងជីគ្រប់ប្រភេទ ហើយ ផ្គត់​ផ្គង់ដល់អ្នកប្រើប្រាស់ក្នុងក្រុងសៀមរាបច្រើនជាងគេពិសេសស្លឹកជីឆាយ ដែលច្រើនដាំនៅភូមិគោកស្រុក។ ភ្ញៀវ អាច ស្វែងយល់ពីការប្រកបរបរចិញ្ចឹមជីវិតរបស់អ្នកភូមិ ដោយដើរថ្មើរជើង ជិះកង់ ឬជិះរទេះគោដែលជាយាន្តជិនះកសិកម្មបុរាណរបស់ខ្មែរ។

ផ្ទះស្នាក់នេះមានការរៀបចំយ៉ាងល្អ និងម្ខាស់ផ្ទះស្វាគមន៍អ្នកយ៉ាងកក់ក្តៅ។ ម្ចាស់ផ្ទះស្នាក់ ជាអ្នកបើករឺម៉ក ប្រកបដោយសុជីវធម៌។

ផ្ទះស្នាក់មួយចំនួននៅឃុំត្រពាំងធំតាមផ្លូវទៅកាន់ភូមិកំពង់ភ្លុក។ នៅទីនេះភ្ញៀវអាចចូលរួមសកម្មភាព ផ្សេងៗរបស់អ្នកភូមិ មានទាំងការត្បាញស្លឹក ដាល់អំបុក និងសកម្មភាពកសិកម្មផ្សេងៗទៀត។

ភោជនីយដ្ឋានដ៏ធំមួយនៅតាមដង​ផ្លូវ​ជាតិ​លេខ6 ជាប់ស្ទឹងរលួសដែលហូរពីភ្នំគូលែន មាន អាហារបែបខ្មែរ បែបអាស៊ី និង​បែបលោកខាងលិច។ សម្រាកនៅក្នុងខ្ចុះដែលរៀបចំយ៉ាងស្អាតដែលព័ទ្ធដោយធម្មជាតិ និងគយគន់ទេសភាពស្ទឹងត្រជាក់ល្ហឹម ។ លើសពីនេះ ភោជនីយដ្ឋានស្ទឹងត្រជាក់មានបន្ទប់ VIP ដ៏ធំទូលាយដែលបានបំពាក់ដោយម៉ាស៊ីនត្រជាក់់ សម្រាប់ក្រុមទេសចរណ៍ធំៗ និងសម្រាប់រៀបចំកម្មវិធីផ្សេងៗ។

បឹងត្រាវកុដ្ឋិ និងសួនស៊ីធីត្រាវកុដ្ឋិ ៖ នៅភាគខាងជើងនៃស្រុកប្រាសាទបាគង ភូមិក្រពើ ឃុំបល្ល័ង្គ ចម្ងាយ 25 គីឡូម៉ែត្រពីខេត្តសៀមរាប។ បឹងនេះជាអាងស្តុកទឹកដ៏ធំ ហើយស្រស់ស្អាតមួយ ដែលមានខ្ចុះសម្រាប់ពិកនិកដ៏ពេញនិយមចំពោះភ្ញៀវទេសចរ ពីខេត្តសៀមរាបនិងក្រៅខេត្ត។ ភ្ញៀវទេសចរជាតិភាគច្រើនចូលចិត្តមកទីនេះនៅចុងសប្ដាហ៍ និងថ្ងៃឈប់សម្រាក ដើម្បីលំហែរកាយ និងពិសារអាហារដែលប្រើប្រាស់ផលិតផលក្នុងស្រុក ពិសេសមាន់អាំងស្រុកឆ្ងាញ់ពិសារ ថែមទាំងអាច ហែលទឹកលេងនៅទីនេះ និងជិះទូកកំសាន្ត។ សហគមន៍នៅតីនេះ ព្យាយាមប្រើប្រាស់ផលិតផលក្នុងស្រុកណាស់ ពួកគេថែមទាំងមានពាក្យថា “មាន់ស្រែបន្លែធម្មជាតិទៀតផង” ។ នៅទីនេះមានកន្លែងពិកនិកជាច្រើននៅជុំវិញបឹង រួមទាំងសួនស៊ីធីត្រាវកុដ្ឋិ ដែលមានទាំងខ្ខុះសម្រាកលំហែរកាយ និងសួនផ្កាចម្រុះដ៏ស្រស់ស្អាតអមជាមួយនឹងឆ្នេរខ្សាច់សិប្បនិមិត្តក្បែរមាត់បឹងទៀតផង ។ លើសពីនេះសួនស៊ីធីត្រាវកុដ្ឋិ មាន​កន្លែង​សម្រាប់​បោះតង់ សម្រាប់អ្នកដែលចង់ស្នាក់នៅពេលយប់មើលផ្កាយនាពេលរាត្រីជាមួយនឹងជំនោរត្រជាក់ល្ហឹម។