ថ្ងៃទី១
ធ្វើដំណើរពីក្រុងសៀមរាប ទៅប្រាសាទបឹងមាលា ដែលឡោមព័ទ្ធដោយព្រៃឈើយ៉ាងច្រើន។ បន្ទាប់ពីទស្សនាប្រាសាទបឹងមាលា និងប្រាសាទតូចៗផ្សេងទៀតដូចជា ប្រាសាទជ្រៃគងភ្លុក ទទួលទានអាហាថ្ងៃត្រង់នៅផ្ទះស្នាក់បឹងមាលា។ ពេលរសៀល ដើរកំសាន្តតាមព្រៃសហគមន៍ ហើយត្រឡប់មកផ្ទះស្នាក់វិញ ដើម្បីស្នាក់នៅ១យប់ព្រមទាំងទទួលទានអាហារពេលល្ងាច រៀបចំដោយម្ចាស់ផ្ទះស្នាក់។
ថ្ងៃទី២
នៅថ្ងៃទី២ ស្រូតទៅទស្សនានៅពើងគំនូរដើម្បីឃើញចម្លាក់ថ្មរៀបរាប់អំពីសាសនា និងវត្តភ្នំបីដែលមានទេសភាពល្អត្រកាលពោពេញទៅដោយភាពស្ងប់ស្ងាត់។ បន្ទាប់មក ធ្វើដំណើរតាមផ្លូវបុរាណសម័យអង្គរ ចេញពីបឹងមាលាទៅភូមិខ្វាវ ឆ្លងកាត់ស្ពានតាអោននៅក្នុងព្រៃ ដែលជាស្ពានបុរាណដ៏គួរស្ញប់ស្ញែង។ ទស្សនាវត្តព្រះធាតុដែលនៅដាច់ស្រយាល មុនពេលធ្វើដំណើរទៅអាងស្តុកទឹកទំនប់ម្កាក់ដ៏ធំ ដើម្បីទទួលទាអាហារថ្ងៃត្រង់។ ទំនប់ម្កាក់គឺអាងស្តុកទឹកដ៏ធំមួយនៅខេត្ត ដែលភ្ញៀវអាចជិៈកាណូតកំសាន្តតាមដៃស្ទឹង។ ក្រោយមក ធ្វើដំណើរទៅទិសខាងត្បូងទៅកំពង់ក្តី ដើម្បីទស្សនាស្ពានព្រះទិស ដែលជាស្ពានដ៏ធំមួយតាំងពីសម័យអង្គរ ត្រូវបានការពារ និងថែរក្សាបានយ៉ាងល្អ។
Reviews
There are no reviews yet.