ថ្ងៃទី១
ធ្វើដំណើរពីក្រុងសៀមរាប ទៅភ្នំគូលែន ដើម្បីតាមស្វែងយល់អំពីរាជធានីមហេន្ទ្របព៌តដែលត្រូវបានកប់បាត់ក្នុងព្រៃ។ ជួលម៉ូតូជិះទៅកន្លែងសំខាន់ៗនៅលើខ្នងភ្នំគូលែន រួមមានរូងប្រចៀវដែលកន្លែងអាថ៍កំបាំងមើលទេសភាពខេត្តសៀមរាបពីលើភ្នំ ស្រះដំរីដែលមានរូបចម្លាក់សត្វធ្វើពីថ្មធំៗ ប្រាសាទដំរីក្រាបធ្វើអំពីឥដ្ឋ ប្រាសាទអារ៉ាមរោងចិនដែលជាប្រាសាទមានរាងដូចពីរ៉ាមីតមុនដំបូងគេបង្អស់ និងចំលាក់ថ្មនៅពើងត្បាល់។ អាហារថ្ងៃត្រង់របៀបពិកនិកនៅទីតាំងណាមួយអាចរៀបចំដោយអ្នកភូមិ (កក់ទុកជាមុន)។ បន្ទាប់មក មើលទីតាំងតួប្រាសាទធំដែលបានលិចកប់ក្នុងដី ក៏ដូចជាកំទេចកុលានុភាជន៍ជាច្រើននៅសហគមន៍ព្រៃឈើអន្លង់ធំ មុនចេញដំណើរទៅមើលបឹងធម្មជាតិ។ បន្តដំណើរទៅភូមិអន្លង់ធំដើម្បីស្នាក់នៅផ្ទះស្នាក់នៅទីនោះ។
ថ្ងៃទី២
នៅថ្ងៃទី២ ដើរកំសាន្តនៅភូមិអន្លង់ធំដើម្បីរៀនសូត្រអំពីជីវភាពរស់នៅរបស់ប្រជាជនលើភ្នំ។ ទស្សនាវត្តអន្លង់ធំ ដែលមានសាច់រឿងគួរឥ្យចាប់អារម្មណ៍។ បន្តធ្វើដំណើរដោយម៉ូតូមកព្រះអង្គធំវិញ ឆ្លងកាត់តាមវាលនៃវត្តព្រះក្រាល។ ទស្សនាស្ទឹងលិង្គមួយពាន់ និងរូបសំណាក់ព្រះអង្គធំ ព្រមទាំងអាចគយគន់ព្រៃឈើនៅភ្នំគូលែន។ ទទួលទានអាហារថ្ងៃត្រង់នៅម្តុំទឹកជ្រោះ និងងូតទឹកលេងកំសាន្ត។ ធ្វើដំណើរត្រឡប់មកក្រុងសៀមរាបវិញ។
Reviews
There are no reviews yet.