ថ្ងៃទី១
ធ្វើដំណើរចេញពីក្រុងសៀមរាប ទៅភូមិព្រះដាក់ ដែលជាភូមិមួយយើងអាចភ្លក់ម្ហូបពិសេសប្រចាំតំបន់ គឺ នំបញ្ចុក។ បន្តដំណើរទៅមជ្ឈមណ្ឌលមេអំបៅបន្ទាយស្រី (BBC) ដើម្បីសិក្សាវដ្តជីវិតរបស់មេអំបៅ។ បន្ទាប់មកឈប់នៅតាមបណ្តាយផ្លូវតាមភូមិដែលមានលក់ស្ករត្នោត ដើម្បីសិក្សាអំពីការកែច្នៃស្ករត្នោត។ នៅក្បែរនោះមានសារៈមន្ទីរមីនកម្ពុជា ដែលជាមជ្ឈមណ្ឌលមួយផ្សព្វផ្សាយការយល់ដឹង និងការអប់រំអំពីមីន ហើយការចូលទស្សនាសារៈមន្ទីរនេះ ធ្វើឲ្យយើងបានយល់ដឹងអំពីប្រវត្តិសាស្រ្តថ្មីៗនៃប្រទេសកម្ពុជា។ បន្តដំណើរឆ្ពោះទៅប្រាសាទបន្ទាយស្រីដ៏ស្រស់ស្អាតដែលមានក្បូរក្បាច់ចម្លាក់ដ៏ល្អវិចិត្រឥតខ្ចោះក្នុងចំណោមប្រាសាទទាំងឡាយក្នុងតំបន់អង្គរ។ ទទួលទានអាហារថ្ងៃត្រង់នៅក្បែរប្រាសាទបន្ទាយស្រី មុនពេលដើរទៅបារាយណ៍ក្បែរប្រាសាទដើម្បីជិះទូកកំសាន្ត។ បន្តដំណើរទៅសហគមន៍ព្រៃឈើក្បាលទឹកដើម្បីស្វែងយល់ពីប្រភេទរុក្ខជាតិ និងសត្វកម្រផ្សេងៗ រួមមានរុក្ខជាតិប្រភេទស៊ីសត្វល្អិត ជាដើម។ នៅពេលរសៀល ធ្វើដំណើរទៅភូមិដើម្បីស្នាក់នៅផ្ទះស្នាក់នៅទីនោះ។
ថ្ងៃទី២
ពេលព្រឹក ដើរតាមភូមិដើម្បីទស្សនាអំពីជីវភាពប្រជាជន និងសកម្មភាពកសិកម្ម។ ក្រោយមក ទៅចូលរួមទស្សនាសត្វព្រៃនៅមជ្ឈមណ្ឌលអភិរក្សជីវៈចម្រុះអង្គរ ដែលជាមជ្ឈមណ្ឌលសង្គ្រោះ និងជំរកសត្វព្រៃកម្រជាច្រើនប្រភេទ។ បន្ទាប់ពីអាហារថ្ងៃត្រង់ យើងធ្វើដំណើរទៅប្រាសាទបន្ទាយសម្រែ ដែលកសាងនៅសតវត្សទី១២។ បញ្ចប់ដំណើរកំសាន្តដោយមើលថ្ងៃលិច និងប្រាសាទនៅលើលើភ្នំបូក ដែលយើងអាចគយគន់មើលទេសភាពជនបទដ៏ស្រស់ត្រកាលទៀតផង។
Reviews
There are no reviews yet.