ស្រុកស្វាយលើ់

ជាស្រុកដែលធំជាងគេមួយនៅក្នុងខេត្តសៀមរាប ស្វាយលើក៏មានប្រជាជនរស់​នៅរាយប៉ាយ​គ្នា ដោយសារផ្ទៃដីដ៏ធំរបស់ស្រុកនេះ ដែលគ្របដណ្តប់ដោយព្រៃឈើ​ និងខណ្ឌដោយជួរ​ភ្នំគូ​លេន។ ភ្នំគូលេនជាកន្លែងទាក់ទាញធំជាងគេនៅក្នុងស្រុក ជា​”ទីក្រុង​ដែលលិច​បាត់បង់”​ឈ្មោះថាមហេន្រ្ទបវ៌ត ដែលជាប្រធានបទដ៏ពេញនិយមទូទាំងពិភពលោកនៅពេល​ត្រូវបានលាត​ត្រដាងឡើងដោយការប្រើប្រាស់បច្ចេកវិទ្យា លីដា​ LIDAR  ដែលអាចបើកស្រទាប់​ព្រៃដើម្បីមើល​អ្វី​ដែលនៅខាងក្រោម។

កន្លែងដែលទាក់ទាញសំខាន់នៅលើភ្នំគូលេនរួមមានទន្លេលិង្គមួយពាន់ ដែលមានរូបលិង្គ​រាប់​រយ​នៅបាតទន្លេ ទឹកជ្រោះដ៏ស្រស់ស្អាតដែលជាឈុតនៅក្នុងភាពយន្ត Tomb Raider និងព្រះពុទ្ធរូបដ៏ធំនៃព្រះអង្គធំ។ ក្រៅពីនេះទីកន្លែងពេញនិយមទាំងនេះ មានដំណែល​    មហេន្រ្ទបវ៌ត ដែលយើងអាចជិៈម៉ូតូឌុបទៅមើល ​ប្រាសាទ​រាងពីរ៉ាមីត​នៃប្រាសាទរោងចិន ទីកន្លែងរបស់តាបស ពើងត្បាល់ សត្វយាម​ប្រចាំការ​ដែលធ្វើអំពីថ្មនៃស្រះដំរី និងរូងភ្នំប្រចៀវដែ​ល​ល្បីល្បាញ​ដែលអាចមើលឃើញទេសភាពដ៏ធំទូលាយ​បីលើភ្នំ។ សម្រាប់អ្នក​ដែល​ស្រលាញ់​ធម្មជាតិ ​ចង់ស្វែងយល់បន្ថែមពីការរស់នៅលើភ្នំ ឬក៏មើលកន្លែងប្លែកៗលើភ្នំបន្ថែមទៀតអាចស្នាក់នៅផ្ទះអ្នកភូមិ​នៅ​​ក្នុង​ភូមិអន្លង់ធំ មួយយប់ ទៅ​បីយប់ ហើយក៏អាចដើរជាក្រុមឡើងនៅលើភ្នំ ចុះតាមផ្លូវ មើលវត្តភ្នំបី ហើយភ្ជាប់ដំណើរកំសាន្ត​នឹង​ប្រាសាទបឹងមាលាដែលសាង​ឡើងក្នុង​ព្រៃ មានខ្យល់អាកាសត្រជាក់ស្រួល​។ ​ភ្នំគូលេន​ក៏ល្បី​ខាង​ដាំផ្លែឈើសរីរាង្គ និង​មានដើមឈើអាចផ្សំ​ឱសថបុរាណទៀតផង។

កន្លែងដែលទាក់ទាញសំខាន់ផ្សេងទៀតគឺ ប្រាសាទបឹងមាលា ដែលកសាងឡើងនៅសតវត្សទី១២ ត្រូវបាន​គ្របដណ្តប់ដោយព្រៃឈើ។ ធម្មជាតិព្រៃព្រឹក្សា ​វល្លិ៍ និង​រុក្ខជាតិវៀរបន្តិចម្តងៗលើថ្ម។ ភ្ញៀវទេសចរអាចធ្វើដំណើរទស្សនាសំណង់ដ៏​មហិមានេះតាមរយៈ​ផ្លូវដើរ​ដែល​ធ្វើពី​ឈើ។ ក្រៅពីនេះ ប្រាសាទសំខាន់នេះ ក៏មានប្រាសាទតូចៗខ្លះដែលមានភ្ញៀវ​ទេសចរ​​តិចតួច​ប៉ុណ្ណោះទៅទស្សនា។ ដើម្បីទទួលបានបទពិសោធន៍ជីវិតនៅក្នុងភូមិស្វាយលើ យើង​អាច​ស្នាក់នៅមួយយប់នៅផ្ទះស្នាក់នៅក្បែរប្រាសាទបឹងមាលា ។ ​ក៏មាន​សហគមន៍ព្រៃឈើដែល​នៅក្បែរផ្ទះស្នាក់​នោះដែលអាចចូលមើលសត្វព្រៃកម្រទៀតផង។