ស្រុកវ៉ារិន
ស្រុកវ៉ារិន
ស្ថិតនៅទិសខាងជើងនៃខេត្តសៀមរាប ជាប់ព្រំប្រទល់ខេត្តឧត្តរមានជ័យ នេះជាស្រុកដែលឆ្ងាយមួយក្នុងចំណោមស្រុកទាំងអស់។ វ៉ារិនជាស្រុកដែលសំបូរដោយភ្នំ ដែលនេះជាហេតុផលអាចជួយថែរក្សាព្រៃឈើនៅក្នុងតំបន់មួយចំនួន ជាពិសេសសហគមន៍ព្រៃឈើចង្រ្កានរយ ដែលជាគោលដៅអេកូទេសចរណ៍ប្រចាំស្រុកនេះ។ កន្លែងដែលទាក់ទាញនៅទីនេះរួមមានទឹកជ្រោះតូចមួយ ការរស់នៅរបស់សត្វស្លាបកម្រផ្សេងៗ ថ្មដែលមានទម្រង់ប្លែក និងព្រៃឈើ។ ភ្ញៀវក៏អាចបោះជំរំស្នាក់នៅមួយយប់នៅជិតទឹកជ្រោះ និងមើលការរស់នៅរបស់សត្វស្លាបផ្សេងៗនៅពេលពេលព្រឹកព្រហាម។ សហគមន៍ និងអ្នកថែរក្សាព្រៃអាចរៀបចំអាហារសម្រាប់ភ្ញៀវទេសចរដែលដើរមើលក្នុងព្រៃ។ ភ្ញៀវទេសចរអាចធ្វើដំណើរមកចង្រ្កានរយ ស្រុកវ៉ារិន ដោយឆ្លងកាត់ស្រុកអង្គរធំ និងស្រុកអង្គរជុំ ឬឆ្លងកាត់តាមស្រុកបន្ទាយស្រី រហូតមកដល់ទីប្រជុំជនក្បែរផ្សារស្រែណួយ ទើបបត់ទៅចង្រ្កានរយ។
ក្រៅពីចង្រ្កានរយ កន្លែងទាក់ទាញផ្សេងទៀតមានដូចជារម្យនីយដ្ឋានក្រពើប្រាំ ប្រាសាទចន្ទគីរី ដែលជាប្រាសាទបុរាណសាងនៅសម័យអង្គរ នៅទីទួលមានទីតាំងនៅកណ្តាលដើមឈើដែលដុះខ្ពស់ៗ ។ សេដ្ឋកិច្ចមួយចំណែកធំ ផ្អែកលើដំណាំឧស្សាហកម្ម ហើយក៏ជាកន្លែងធ្វើសិប្បកម្មឬស្សី (ចង្កឹះ) មុនដំបូងគេ ក្រៅពីនេះ កសិកម្មដំណាំស្រូវ និងចិញ្ចឹមសត្វដែរ។
ចំនួនប្រជាជន៖ 49,369
ឃុំ៖ 5
ភូមិ៖ 25
ផ្ទៃដី៖ 1098 គីឡូម៉ែតការ៉េ
ដង់ស៊ីតេប្រជាជន៖ 45/គីឡូម៉ែតការ៉េ
ទីរួមស្រុក៖ ស្រែណូយ
ធម្មជាតិ
សហគមន៍ព្រៃឈើចង្ក្រានរយ គឺជាសហគមន័ព្រៃឈើដែលនៅដាច់ស្រយាលហើយទទួលការការពារបានយ៉ាងល្អដោយគណៈកម្មាកាព្រៃសហគមន៍ ។ ទីនោះមានព្រៃដុះលាយឡំគ្នាទាំងព្រៃឈើចាស់ និងព្រៃឈើលូតលាស់ថ្មី។ នៅទីនេះមានទឹកជ្រោះតូចៗល្មមហូរស្រឹមៗច្រើនកន្លែងកន្លែង សាកសមបំផុតសម្រាប់ ការបោះតង់ និងទទួលទានអារហារប្រចាំតំបន់ដែលរកបានពីភ្នំ និងអ្នកភូមិជិតៗនេះ។ សមាជិកសហគមន៍បានទទួលវគ្គបណ្តុះបណ្តាលចំអិនម្ភូប និងរៀបចំប្រកបដោយអនាម័យ ។ ក្រៅពីនេះ ពើងថ្មមានរាងប្លែកៗដុះតំរៀបលើគ្នាគួរជាទីចាប់អារម្មណ៍។ ព្រៃសហគមន៍ជិត ១ម៉ឺននេះ មានទីតាំងទេសចរណ៍បង្កប់នូវសាច់រឿងផ្សេងៗពីគ្នា។ ពេលបានមកទីនេះ គួរចំណាយពេលមើលចាន់ក្រហមព្រោះថ្មនៅទីនោះមើលទៅដូចវាលកម្អែភ្នំភ្លើងមួយ ហើយកុំភេ្លចមើលទីតាំងចង្រ្កានរយយ៉ាងធំដែលជាមូលហេតុភ្នំនេះដាក់ឈ្មោះរតាម។ សេវាកម្មបច្ចុប្បន្នដែលកំពុងពេញនិយមដោយភ្ញៀវបរទេស គឺការទស្សនាបក្សីកម្រមួយចំនួនក្នុងអាស៊ីដោយស្នាក់នៅតាមការបោះតង់មួយយប់ និងដើរមើលទីតាំងប្រវិត្តសាស្រ្តទាំងនោះ។
Address
Baydot Village,
Svay Sar Commune, Varin DistrictTelephone
+855 (0) 71 4964267 / +855 (0) 88 84 68 661
Address
Kanchornrun Village,
Prasat Commune, Varin District.Telephone
088 522 6483
E-mail and Website
ធម្មជាតិ
ជាប្រាសាទសម័យអង្គរដ៏ចំណាស់មួយដែលមានទីតាំងស្ថិតនៅលើផ្លូវទៅចង្រ្កានរយ។ ទោះបីជាប្រាសាទនេះមិនមានភាពទាក់ទាញខ្លាំង ដូចប្រាសាទតំបន់អង្គរក៏ដោយ តែជាកន្លែងដែលភ្ញៀវគួរឈប់សម្រាកបន្ទាប់ពីធ្វើដំណើរមកចង្ក្រានរយ ឬត្រឡប់ទៅសៀមរាប ដើម្បីស្រូបខ្យល់អាកាសបរិសុទ្ធ ក៏ដូចជាចូលមើលវត្តដែលមានការរៀបចំបានយ៉ាងល្អនៅទល់មុខប្រាសាទនេះ។
Address
Kok Chan Village,
Lvea krang Commune, Varin DistrictTelephone
(+855) (0) 88 937 84 88