ស្រុកបន្ទាយស្រី

តូបលក់ស្ករត្នោតមានទីតាំងនៅតាមបណ្តោយផ្លូវទៅប្រាសាទបន្ទាយស្រីដែលលក់ផលិតផលស្ករត្នោតតាមរបៀបផ្សេងៗជាច្រើនដូចជាស្ករផែន ស្កររាវ និង ស្ករហ៊ុយ (ម្ស៉ៅ) និងសិប្បកម្មពីដើមត្នោត។ ស្ករត្នោតត្រូវបានផលិត និងកែច្នៃ ១០០% នៅក្នុងស្រុក។ ចំពោះ​ផលិតផលស្ករត្នោតដែលមានគុណភាពសុទ្ធ សូមទាក់ទងសួររកសមាជិកសហគមន៍ស្ករត្នោត។ ពួកគេក៏លក់ទឹកត្នោត និង​សិប្បកម្ម​ស្លឹកត្នោតផងដែរ។​ មានរៀបចំបង្ហាញពីរបៀបកែច្នៃស្ករត្នោតទៅជានំ បង្អែម ​ហើយចំពោះការកូរស្ករគឺមានរៀងរាល់ថ្ងៃក៏ជាសកម្មភាពគួរឲ្យចាប់អារម្មណ៍ខ្លាំងណាស់សម្រាប់ភ្ញៀវទេសចរអន្តរជាតិ។ វត្ថុអនុស្សាវរីយ៍ផ្សេងៗ ដែល​ដាក់លក់ ​គឺមានគ្រប់​ប្រភេទទាំងអស់ សម្ភារៈតុបតែងដែលធ្វើពីដើមត្នោត ឬតម្បាញផ្សេងទៀត។

ទឹកគូលេន គឺជាទឹករ៉ែធម្មជាតិតែមួយគត់របស់ប្រទេសកម្ពុជាដែលចម្រាញ់ចេញមកពីស្រទាប់ក្រោមដ៏ជ្រៅនៃភ្នំដ៏​ពិសិដ្ឋ នៃ​ភ្នំគូលែន​នៅស្រុកបន្ទាយស្រី។ រោងចក្រច្រកទឹកទំនើបបំផុតនេះបើកស្វាគមន៍ភ្ញៀវចូលទស្សនា ដោយការណាត់​ទុកជាមុន​។ ទឹកគូលេន​​គឺជាទឹករ៉ែធម្មជាតិនៃជម្រើសដ៏ល្អបំផុតដែលគួរទទួលទាននៅពេលធ្វើដំណើរទស្សនាក្នុងប្រទេសកម្ពុជា។

សារៈមន្ទីរមីនកម្ពុជាគឺជាគោលដៅទស្សនាដ៏ពេញនិយមក្រៅពីការទស្សនាប្រាសាទនៅបន្ទាយស្រី។ ការរៀបរាប់ពីសកម្មភាពការងាររបស់លោកអាគីរ៉ា និងការដោះមីននៅកម្ពុជា គឺជាបទពិសោធន៍បែបអប់រំមួយសម្រាប់ភ្ញៀវទេសចរណ៍ដែលចាប់អារម្មណ៍នឹងប្រវត្តិសាស្រ្ត។ សារៈមន្ទីរនេះ បានប្រមូលផ្តុំ​មីនជាច្រើនប្រភេទ កាំភ្លើងត្បាល់ និងគ្រឿងសព្វាវុធជាច្រើនទៀតដែលបន្សល់ពីសង្រ្គាមស៊ីវិលរ៉ាំរ៉ៃនៅកម្ពុជា​ រួមទាំងចំការមីនសិប្បនិមិត្តដែលភ្ញៀវអាចស្វែងយល់ពីចំណុចគ្រោះថ្នាក់ផ្សេងៗដោយសារគ្រាប់មីនបង្កប់​ក្នុងដី។ សារៈមន្ទីរមីនកម្ពុជា ចាប់បើកពីម៉ោង​ ៧.៣០ព្រឹកដល់ម៉ោង ៥ល្ងាចជារៀងរាល់ថ្ងៃ និងមានការស្នើរសុំវិភាគទាន ៥ដុល្លាក្នុង១នាក់​ ។ ការបង្កើតសារៈមន្ទីរនេះឡើង​ ដើម្បី​ផ្សព្វផ្សាយការយល់​ដឹងអំពីមីន និងការស្តារលទ្ធភាពពលកម្មឡើងវិញ និងជាកន្លែងផ្តល់វគ្គបណ្តុះបណ្តាលផងដែរ ។

ស្ទឹងតូច គឺជាផ្ទះសំណាក់មួយក្នុងចំណោមផ្ទះសំណាក់ដែលត្រូវបានរៀបចំយ៉ាងល្អនៅបន្ទាយស្រី ហើយ​ក៏មាន ​ ការបោះជំរំនៅទីនេះផងដែរ។

ការស្នាក់នៅតាមផ្ទះគឺជាវិធីមួយដើម្បីស្វែងយល់បន្ថែមអំពីជីវិតអ្នកស្រុកនៅក្នុងប្រទេសកម្ពុជាដោយការស្នាក់នៅជាមួយគ្រួសារ។ ​ស្រុកបន្ទាយស្រីគឺជាកន្លែងដែលមានភាពងាយស្រួលបំផុតដើម្បីទទួលបានលំនៅដ្ឋាននៅ ក្នុងព្រះរាជាណាចក្រកម្ពុជាពីព្រោះវាស្ថិតនៅចម្ងាយ ២៥ គីឡូម៉ែត្រពីសៀមរាប។ មានផ្ទះស្នាក់នៅក្នុងស្រុក ចំនួន ១៣ កន្លែងក្នុងត្បែង ដែលមានទីតាំងស្ថិតនៅក្នុងភូមិដ៏គួរឲ្យទាក់ទាញជាមួយនឹងសកម្មភាពជាច្រើនដែល មានដូចជា​ការរៀនអំពីកសិកម្មជនបទ និងការដើរតាមភូមិ។

មជ្ឈមណ្ឌលមេអំបៅបន្ទាយស្រី គឺជាមជ្ឈមណ្ឌលដែលមានរបងហ៊ុមព័ទ្ធជុំវិញធំបំផុតមួយនៅអាស៊ីអាគ្នេយ៍ដែលមានមេអំបៅខ្មែរជាង ៣០​ ប្រភេទ។ ទីនេះផ្តល់នូវបទពិសោធន៍ខាងការអប់រំផងដែរ ព្រោះអ្នក​ទេសចរ ​អាចមើលឃើញនូវដំណើរការតាំងពីការកកើតជាស៊ុត ទៅជាដង្កូវ រហូតទៅមេអំបៅ និងដឹកដឿរហូតដល់ដំណាក់កាល ពេញវ័យ​​​របស់​មេអំបៅ។ បន្ទាប់ពីរីករាយជាមួយនឹងដំណើរកម្សាន្តដែលមានមគ្គុទ្ទេសន៍ប្រចាំមជ្ឈមណ្ឌលដែលរៀបរាប់ប្រកប​ដោយ​ភាពរាក់ទាក់​ អ្នកទេសចរអាចញ៉ាំអាហារថ្ងៃត្រង់ និងភេសជ្ជៈស្រស់ៗនៅក្នុងហាងកាហ្វេមេអំបៅដែលមាន​មេអំបៅជាច្រើនកំពុង​ហោះ​ហើរ​ជុំវិញ។ មជ្ឈមណ្ឌលមេអំបៅបន្ទាយស្រី​ (BBC)​​ ត្រូវបានបើកជារៀងរាល់ថ្ងៃ​ពេញមួយឆ្នាំចាប់ពីម៉ោង៩:០០ ព្រឹករហូតដល់ម៉ោង ៤:៣០ នាទីល្ងាច ហើយតម្លែសំបុត្រចូល ៥ ដុល្លារ​សម្រាប់​​មនុស្សពេញវ័យនិង ២ ដុល្លារសម្រាប់កុមារ (អាយុ ៥-១១ ឆ្នាំ) ។

ព្រៃសហគមន៍ក្បាលទឹក គ្របដណ្តប់ប្រហែល ២១០ ហិចតា និងមានសក្តានុពលក្នុងការអភិវឌ្ឍ​ជា​គោលដៅ​អេកូទេសចរណ៍បែបសហគមន៍ដោយសារតែរុក្ខជាតិ និងសត្វកម្រមួយចំនួននៅតីនោះ ។ ពិសេសគឺផ្កាបំពង់ឡុក” ដែលអាចយកទៅកែច្នៃធ្វើនំ ក្រៅពីនេះរុក្ខជាតិ​ម្យ៉ាង​​ដែលស៊ីសត្វល្អិតតូចៗជាអាហារក៏ជា​ទី​ចាប់អារម្មណ៍ខ្លាំងដែរ។ នៅទីនេះមានជួលកង់សម្រាប់ជិះក្នុងព្រៃ រៀបបោះតង់​ ដាំដើមឈើ និងការដើរមើល​ព្រៃឈើដោយនាំដោយសមាជិកសហគមន៍នៅទីនេះ។

ស្រះដូនរីក មានទេសភាពគួរឲ្យទាក់ទាញ ទឹកថ្លាឈ្វង់ មើលឃើញជួរភ្នំនិង​ ​ព្រៃ​លិច​ទឹកនៅក្នុងសហគមន៍ ដែលភ្ញៀវអាចជិះទូកលេងកម្សាន្ត។ យើងក៏ស្វាគមន៍អ្នកទេសចរណ៍អង្គុយលេងនៅក្នុងខ្ជុះ​ជាមួយនឹង​ខ្យល់​អាកាស​​​បរិសុទ្ធ រីករាយជាមួយ​ម្ហូបខ្មែរ និងមើលឃើញទិដ្ឋភាពដ៏ស្រស់ស្អាត​នៃភ្នំ​គូលែន។

មានការប្រមូលផ្តុំផ្កាអ័រគីដេពីគ្រប់ទីកន្លែង និង ផ្តល់ជូននូវសេវាកម្មធ្វើដំណើរដោយជើងដើម្បីទស្សនាផ្កាអ័រគីដេ ព្រៃ។

ភោជនីយដ្ឋានរំចង់ ជាភោជនីយដ្ឋានពេញនិយមមួយនៅជិតប្រាសាទបន្ទាយស្រីដ៏ល្បីល្បាញ។ យើងសូម​ស្វាគមន៍ចំពោះអ្នកដំណើរនិងក្រុមអ្នកធ្វើដំណើរឯករាជ្យដើម្បីរីករាយនឹងអាហារថ្ងៃត្រង់នៅភោជនីយដ្ឋានរបស់យើង។ យើងផ្តល់ជូននូវអាហារខ្មែរ និងអន្តរជាតិដ៏ឆ្ងាញ់ពិសា ផ្លែឈើស្រស់ៗ និងភេសជ្ជៈជាច្រើន​ប្រភេទដែល​ត្រូវបានរៀបចំនៅក្នុងទីកន្លែងទាក់ទាញ។ ការជួលរថយន្តក៏អាចរកបាននៅទីនេះសម្រាប់អ្នកដែលមាន​បំណង​ចង់​ស្វែងយល់ពីស្រុកបន្ថែមទៀត។​

ភោជនីយដ្ឋានស្រីគូលែន ជាភោជនីយដ្ឋានពេញនិយមមួយដែលមានទីតាំងស្ថិតនៅជិតប្រាសាទបន្ទាយស្រី និង ស្វាគមន៍នូវការកក់ទុកជាមុនចំពោះក្រុមអ្នកធ្វើដំណើរ។ យើងផ្តល់ជូននូវសេវាកម្មម្ហូបអាហារ ​និងភេសជ្ជៈដែល​មានជំនាញវិជ្ជាជីវៈមួយនៅក្នុងកន្លែងដែលមានផាសុកភាព។ ក៏ដូចជាភោជនីយដ្ឋានដែលបរិវេណ​របស់យើង​ក៏​ដាក់បង្ហាញពីគ្រឿងសង្ហារិមធ្វើពីឈើជាច្រើនប្រភេទសម្រាប់លក់។