ថ្ងៃទី១
ចេញដំណើរពីក្រុងសៀមរាបទៅស្រុកអង្គរធំដើម្បីទស្សនាការត្បាញសូត្រនៅវិទ្យាស្ថានវាយនភណ្ឌប្រពៃណីខ្មែរ។ ទីនោះមានផ្ទះស្នាក់សម្រាប់អ្នកដែលមិនចង់បោះជំរុំនៅក្នុងព្រៃ។ បន្តដំណើរទៅកាន់តំបន់ថ្មដែលមានសណ្ឋានប្លែកៗនៅពើងតានាន់ក្នុងស្រុកអង្គរជុំ។ រីករាយជាមួយនឹងទេសភាពលើដីវាលទំនាបនៃខេត្តសៀមរាប ដែលអាចមើលឃើញទិដ្ឋភាពធម្មជាតិដ៏ស្រស់ស្អាត។ ទទួលទានអាហារថ្ងៃត្រង់នៅទីនោះ និងបានជួបព្រះសង្ឃគង់នៅទីនោះផងដែរ។ បន្ទាប់ពីអាហារថ្ងៃត្រង់ បន្តដំណើរទៅស្រុកវ៉ារិនដែលជាស្រុកជាប់ព្រំប្រទល់ខេត្តឩត្តរមានជ័យដើម្បីទស្សនាព្រៃភ្នំក្រំថ្មធម្មជាតិនៅក្នុងព្រៃចង្រ្កានរយ។ មុននឹងបោះជំរុំ គួរចំណាយពេលទៅមើលពើងចាន់ក្រហម បន្ទាប់មកសម្រាកក្នុងតង់នៅក្បែរកន្លែងទឹកធ្លាក់ ហើយទទួលទានអាហារក្នុងបរិយាកាសដ៏សេនមនោរម្យ។
ថ្ងៃទី២
ព្រឹកឡើង ស្រូតធ្វើដំណើរដោយថ្មើរជើងទៅលេងតំបន់ចង្រ្កានរយ ដែលជាតំបន់មានថ្មប្លែកៗ រាងដូចចង្ក្រានរាប់រយ។ នៅទីនេះ មានប្រភេទសត្វស្លាបកម្រ ដែលចាប់អារម្មណ៍បំផុតសម្រាប់អ្នកស្រឡាញ់សត្វស្លាប និងធម្មជាតិ។ ត្រឡប់មកទទួលទានអាហារថ្ងៃត្រង់នៅកន្លែងទឹកធ្លាក់មុនពេលធ្វើដំណើរត្រឡប់ទៅក្រុងសៀមរាបវិញ ដោយឆ្លងកាត់ប្រាសាទចន្ទគិរី ដែលជាប្រាសាទមួយកសាងឡើងក្នុងសម័យអង្គរ។ ប្រាសាទនេះមានភ្ញៀវទស្សនាតិចតួចណាស់បើប្រៀបធៀបនឹងប្រាសាទផ្សេងៗទៀតដែលកសាងឡើងនៅសម័យអង្គរ មានទីតាំងនៅក្បែរក្រុងសៀមរាប។
Reviews
There are no reviews yet.